القائمة الرئيسية

الصفحات

 حوار مع النفس مهم جدا

فى هذا الزمن يجب عليك أن تحاور نفسك.
هذا الحوار مهم من وقت للثاني خصوصاً إذا كان يتميز بالصراحة، وحينما تفعل ربما عليك أن تعي الآتى :
.
- أهم سؤال لازم تجاوب عليه بينك وبين نفسك.. إنت شايف نفسك ازاى؟ شايف نفسك محترم قدام نفسك؟ ، سيبك من الناس شايفينك إزاى، إنت لو حد زيك بالظبط هتبقى سعيد إنك تعرفه ولا هتهرب منه، لازم تعرف إنت شايف نفسك إزاى وتجاوب حتى لو فكرتك عن نفسك صدمتك؛ فهتكون وصلت لنقطة الإعتراف اللي بعدها بيكون الإصلاح أسهل وأسرع وأنفع!
.
- أكثر شيء مؤذى لنفسك، إنك تدور على حجج تقنع بيها نفسك علشان تطلع نفسك بريء قدام نفسك من فشل حصل فى حياتك، أول خطوة لنجاح ما هى الإعتراف بالفشل لو فشلت، والتعامل معاه على إنه محاولة للنجاح..سيبك من الحجج!
.
- ماتستناش حاجة تحصل علشان تسعدك، اصنع إنت السعادة لنفسك، كل اللى بينتظر حد أو حاجة تسعده بيلاقي نفسه منتظر كثيراً دون جدوى، فى الغالب الحاجة اللى بتنتظرها مابتجيش، لأنها مبنية على عوامل مش فى إيدك، وكل اللى عندك أمانى إنها تحصل، الأماني لا تصنع شيء، دور على الحاجات اللي ممكن تفرحك واعملها بنفسك...ماتربطش سعادتك بحد ولا بحاجة مش موجودة!
.
- مش دائماً الحاجة الكاملة تكون هى المناسبة ليك،
دور على الحاجة الأقرب ليك، مش لازم تبقى ممتاز أوي، سدد وقارب، اعمل توفيق أوضاع حسب ظروفك وتعامل مع الواقع وسيبك من المثالية!

منقول عن الدكتور طارق رفاعي . كل الشكر والتقدير له علي المحتوي المفيد الذي يقدمه للجميع .

تعليقات