القائمة الرئيسية

الصفحات

مخطوبة وقلبي مع زميلي اعمل ايه ؟

 مخطوبة وقلبي مع زميلي اعمل ايه ؟ 

كتبت صديقة
بثق ف حضرتك جدا وف ارائك.. مشكلتي اني حبيت قبل كدة حبيت جدا واتخدعت واتصدمت فقفلت ع نفسي اوي ومبقتش بحس بحاجة سنين لحد مااشتغلت ف مدرسة واتعاملت مع زميل ليا وكنت مقفولة جدا ومش ف دماغي حاجة ولاهو ف دماغه حاجه لحد ماارتحنا لبعض وبقيت بثق فيه جدا ولو اني مبثقش ف حد حسيته هو امان وسند بعد ماكنت بخاف من كل الناس بعد علاقتي الاولي ارتحنا بس محدش فينا صرح للتاني ..بعد كدة اتقدملي حد تاني خالص كويس جدا واهله كويسين رحت انا لمحت لزميلي بكدة بس هو كانت ظروفه صعبة ولمحلي انه عايزني بجد بس مستني شوية صبر عشان يقدر يتكلم مع اهلي بقلب جامد..انا ضغطوا عليا ف البيت جامد واضطريت اني ادي نفسي فرصة مع الشخص الجديد وكانوا متعاهدين معايا ف البيت اني لو مرتحتش هفسخ خطوبتي..المشكلة انا دلوقتي مش مبسوطة خالص مع خطيبي وديما بفكر ف زميلي رغم اني بصون خطيبي ديما بس مشاعري وقلبي رايح لزميلي دة..وزميلي قلي مينفعش نحس اي حاجة لانك مخطوبة واحنا مش عايزين الذنب دة..انا ف صراع جامد حاسة اني هتشل من التفكير مش قادرة ابقي مبسوطة مع خطيبي وهو بيحاول يسعدني باي شكل وزميلي ببقي مبسوطة بمجرد انه يصبح عليا..قوليلي اعمل ايه؟؟ ف حين اني لما صليت استخارة ظهرلي زميلي انه بيشدني من حادثة قطر..قوليلي ارضي عقلي واعيش مع حد مش مبسوطة معاه!! ولا اختار قلبي وافسخ لاني مش قادرة استحمل الصراع دة
قلت لها
لا تخدعي نفسك زميلك يتسلى لو كان جادا ومحترما ويقدرك لما تقرب أليك وهو يعلم أن ظروفه لا تسمح بالزواج هذا إن كان لا يكذب
بالنسبة لصلاة الاستخارة فهي لمن يترك الأمر كله لله وليس كما تفعلين تستغرقين بالتفكير وتتخيلين زميلك المنقذ
والحقيقة أنه العدو
كيف تصونين خطيبك وتحلمين بغيره وتفكرين بغيره هل تقبلين أن يتعلق قلب خطيبك بغيرك
لم تخبريه قبل الموافقة على الخطبة أنك -ستجربين - هل ستنسين زميلك أم لا?
من حق خطيبك فتاة تفرح به كما يحاول اسعادها
ثقي أن زميلك لن يخطبك حتى إذا فسخت الخطبة وستندمين كما يحدث دائما في مثل حالتك
من يحب يحترم الفتاة ولا يتلاعب بمشاعرها ولا يقبل لها بعلاقة بلا زواج وهو ما يرفضه بالطبع لاخته فكيف يحبك وهو قبل لك ما رفضه لاخته
خطيبك جيد وأهله جيدين ويحسن معاملتك ولكنك -تغلقين- قلبك
أي أنك الخاسرة إذا تركته سيجد غيرك وسيسعد معها بينما ستضيعين أعواما غالية من عمرك بانتظار زميلك وستفاجئين بزواجه من غيرك ويقول أهلي اجبروني كما يحدث كثيرا
أنت لم تحبي زميلك بل كان لديك فراغا عاطفيا واستطاع التسلل إليك تدريجيا اقرئي الرد كثيرا بعقلك وبقلبك ولا تخوني نفسك وفقك ربي وحماك ورزقك رؤية الحقيقة الواضحة

كل الشكر للأستاذة نجلاء محفوظ علي نصائحها لكل الشباب والفتيات وحل مشاكلهم العاطفية والإجتماعية .

تعليقات